గిన్నిస్‌ కెక్కిన ఇఫ్తార్ విందు

ముస్లింల పవిత్ర రంజాన్ మాసం సందర్భంగా లెబనాన్ రాజధాని బీరుట్‌లో అతిపెద్ద ఇఫ్తార్ విందును ఏర్పాటు చేశారు. అజిలోనా స్వచ్ఛంద సంస్థ నిర్వహించిన ఈ ఇఫ్తార్ విందులో దాదాపు 5400 మంది ముస్లింలు పాల్గొన్నారు. ఏకకాలంలోఅత్యధిక సంఖ్యలో ఒకేచోట ఇఫ్తార్ విందు నిర్వహించిన సంస్థగా అజిలోనా గిన్నిస్ రికార్డుకెక్కింది. విందు ముగిశాక అధికారులు ధ్రువీకరణ పత్రాన్ని ఆ సంస్థ అధ్యక్షురాలికి అందించారు. విందు కార్యక్రమానికి ముందు కళాకారులు ప్రదర్శించిన లెబనాన్ సంప్రదాయ నృత్యాలు ఆకట్టుకున్నాయి.